МАН-ын гишүүд тун ч харамсалтай байдалтайгаар Анхдугаар чуулганыг өндөрлүүлэх нь дээ. Өнөөдөр Анхдугаар чуулган хуралдаж хаалтаа хийнэ. Гэтэл энэхүү чуулган хуралдсан сар гаруйн хугацаанд МАН-ын гишүүд чуулганы танхимд тоотойхон л орсон. МАН-ын гишүүд Анхдугаар чуулганы хуралдаан болоод Байнгын хороодын хуралдааныг телевизээр л үзэх шив дээ. Үүнээс гадна УИХ-д бүлэгтэй болж чадсангүй. Байнгын хорооны гишүүнээр сонгогдож дөнгөсөнгүй. Арга ядахдаа өнөөдөр Байнгын хороодоор батлагдаж буй Дэд хороодод ч харьяалагдаж чадсангүй.