Өнөөдөр Анхдугаар чуулган хаахтай холбоотой Байнгын хороод хуралдаж дэд хороодоо байгуулж байгаа билээ. УИХ-ын Эдийн засгийн байнгын хорооны хуралдаанаар Жижиг дунд үйлдвэрлэлийн хөгжлийн дэд хороог шинээр байгуулах шийдэр гаргалаа. Тус Байнгын хороонд УИХ-ын гишүүн Д.Батцогт, Д.Ганхуяг, Д.Ганбат, С.Одонтуяа, Г.Уянга, Д.Тэрбишдагва, С.Болорчулуун нарыг харьяалалд нь багтаахаар болж шийдвэрлэсэн юм. Дээрх гишүүдийг тус дэд хороонд харьяалуулах саналыг намын бүлгүүдээс санал болголоо. Харин тэднийг Жижиг, дунд үйлдвэрлэлийн дэд хороонд харьяалуулах асуудлыг чуулганы нэгдсэн хуралдаанаар батлан, холбогдох хороонд оруулж хэлэлцүүлэн гишүүд дотроос дэд хорооны даргыг томилох санал гаргах юм байна.