Шинээр томилогдсон Засгийн газрын гишүүн, Эрчим хүчний сайд М.Сономпил цахилгаан станцуудын бэлэн байдлыг хангаж, өвөлжилтийн бэлтгэлийг хангаж ажиллах үүргийг нэн түрүүнд өгөөд байна. Хүйтний улирал хаяанд ирсэн энэ үед зарим аймгийн цахилгаан станцын доголдолтой холбоотой хөрөнгө санхүүгийн асуудлыг Засгийн газрын хуралдаанд оруулахаар бэлтгэж байна. Мөн Эрчим хүчний яамны бүтэц зохион байгуулалтын асуудлаар ажлын хэсэг байгуулсан бөгөөд яамныхаа ажилтнуудад нээлттэй танилцуулж Засгийн газарт өргөн барих юм.