ТЕГ-ын Мөрдөн байцаах хэлтсийнхэн Беларусь улсын иргэн Александр Сергеевич Соловьевийг манай улсын нэгэн арилжааны банкаар дамжуулан 200 сая орчим ам.доллар угаасан хэрэгт буруутган шалгаж байгаа. Мөрдөн байцаалтын явцад тэрээр Баян-Өлгий аймгийн Ногоон нуур суманд Хавцал нэртэй төмрийн хүдрийн орд газарт хайгуул болон ашиглалт, Хэнтий, Сүхбаатар, Дорноговь аймгийн газар нутагт хайгуулын хэд хэдэн тусгай зөвшөөрөл эзэмшдэг нь тодорхой болсон гэнэ.
Александр Сергеевич Соловьев уул уурхайн чиглэлээр үйл ажиллагаа явуулдаг “Казмонконтакт” гэдэг компанитай аж. Дээрх лицензүүдийг уг компанийн нэр дээр авсан байсныг эх сурвалж хэлэв.