УИХ-ын дарга З.Энхболд захирамж гаргаж УИХ-ын ээлжит бус чуулганыг ирэх долоо хоногийн лхагва гариг буюу энэ сарын 29-ний өдрөөс эхлүүлэхээр шийдвэрлэжээ. Ээлжит бус чуулганаар  Орон нутгийн хурлын сонгуулийн тухай хуулийн төсөл, 2012 оны улсын төсвийн тухай хуульд нэмэлт, өөрчлөлт оруулах тухай хуулийн төсөл болон бусад асуудлыг хэлэлцэхээр төлөвлөсөн байна.  Ингэхдээ бусад асуудлын хүрээнд хэлэлцэх асуудлыг УИХ-ын даргын дэргэдэх Зөвлөлийн хуралдаанаар хэлэлцэн ойрын үед эцэслэн тогтох  юм байна. Бусад асуудлын дотор УИХ-ын гишүүн С.Дэмбэрэлийн өргөн барьсан УИХ-ын тухай хуульд нэмэлт өөрчлөлт оруулах тухай хуулийн төслийг хэлэлцэж баталвал УИХ-д МАН-аас сонгогдсон гишүүд бүлэгтэй болж магадгүй.