“Чингис хаан” олон улсын нисэх онгоцны буудалд тэсрэх бөмбөг байрлуулсан байж болзошгүй учир бүх нислэгийг хойшлуулсан тухай мэдээлэл түгсэн. Нисэхийн хамгаалалтын албаныхан сэжиг бүхий ууттай зүйл олж, нарийвчлан шалгаж байгаа. Цагдаа, онцгой байдлын албан хаагчид тусгай төхөөрөмжөөр онгоцны буудал дахь хогийн сав, булан тохой бүрийг шалгасан гэнэ.
Энэ талаар ИНЕГ-ын дарга С.Батмөнхөөс тодруулахад, “Сургуулилтын зориулалттай тэсрэх зүйл байсан. Нислэгийн хэллэгээр долдугаар зэрэглэлийн арга хэмжээ авч, аюулгүй болгосон. Ямар ч нислэг цуцлагдаагүй. Харин тухайн тэсрэх зүйлийг ямар хүн тавьсан шалтгааныг холбогдох албаныхан шалгаж байгаа. Энэ нь нислэгийн аюулгүй байдалд ямар нэг байдлаар нөлөөгүй” гэв.