“Чингис хаан” олон улсын нисэх онгоцны буудалд тэсрэх бөмбөг байрлуулсан байж болзошгүй учир өнөө өглөөний 06-11 цагийн хоорондох нислэгүүд түр хойшилсон. Нисэх буудлын цэвэрлэгч сэжиг бүхий ууттай зүйл олж, хамгаалалтынхандаа хэлсэн гэнэ. Үүнийг холбогдох албаныхан үүнийг нарийвчлан шалгахад, сургуулилтын зориулалтаар ашигладаг утаа гаргадаг бакет гэдэг зүйл байжээ. Албаныхны хэлж буйгаар үүнийг Олон улсын энхийг дэмжих ажиллагааны “Хааны эрэлд-2012” хамтарсан сургуульд оролцсон гадаадын цэргүүд үлдээсэн байж болзошгүй гэнэ. Уг сургуулилтад гадаадын 15 орны 1000 орчим цэргийн албан хаагч оролцсон. Тэд өнөөдөр нутаг буцаж байгаа. Тиймээс онгоцонд авч орохыг зөвшөөрдөггүй зүйл учир нисэхийн заалны хогийн саванд хийсэн байх магадалтай аж.