МАХН-ын бага чуулган өчигдөр хуралдлаа. Тус нам бага чуулганаараа 2012 оны парламентын сонгуулийн үр дүн, өнөөгийн нөхцөл байдлын талаар хэлэлцсэн байна. Мөн Эрүүл мэндийн сайдын албан тушаалд томилогдсон Н.Удвалын оронд МАХН-ын Ерөнхий нарийн бичгийн даргаа сонгох ёстой байсан ч дараагийн бага чуулганаар хэлэлцэхээр шийдвэрлэлээ. Харин бусад нарийн бичгийн даргыг шинээр сонгож томилсон байна. МАХН-ын Төрийн байгуулалт хариуцсан нарийн бичгээр УИХ-ын гишүүн З.Баянсэлэнгэ, Говийн бүс хариуцсан нарийн бичгийн даргаар Ч.Чимидсүрэн, Хэвлэл мэдээлэл хариуцсан нарийн бичгийн даргаар Б.Тулга, Гадаад харилцаа хариуцсан нарийн бичгийн даргаар Э.Батшугар, Засгийн газар хариуцсан нарийн бичгийн даргаар Н.Удвал нарыг  томилжээ.