Төрийн ордон өнөөдөр хөл хөдөлгөөн ихтэй байна. Өнөөдрийн морин цаг буюу 11.40 цагаас эхэлж иргэд Төрийн ордонг үзэж сонирхох боломжтой болсон. Иргэд Чингис хааны хөшөөтэй талаас чөлөөтэй нэвтэрч, Төрийн ёслол, хүндэтгэлийн арга хэмжээнд саад учруулалгүй Монгол төрийн музейд зочилж төрийн түүх соёл, уламжлал, төр, иргэний харилцааны талаарх баримтыг сонирхон, их хааныхаа хөшөөнд мөргөж, есөн хөлт цагаан тугандаа хүндэтгэл үзүүлэн зургаа татуулах боломжтой болсон юм. Ийнхүү Төрийн ордонтой танилцах иргэдийн цуваа үргэлжилсээр байна. Өмнө нь гадаадын зочид төлөөлөгчдөд л үзүүлдэг байсан энэ газрыг өнөөдрөөс эхэлж жирийн иргэд, олон нийт үзэж сонирхох боломжтой боллоо.