Жолооч та тээврийн хэрэгслээ даатгуулсан уу. Хэрэв даатгуулж амжаагүй бол одоо танд нэг сар хүрэхгүй хугацаа үлдээд байна.
 Энэ оны эхнээс хэрэгжиж буй Жолоочийн даатгалын тухай хуулийн дагуу ирэх аравдугаар сарын 1-нээс өмнө тээврийн хэрэгсэл бүрийг даатгалд хамруулсан байх ёстой. Хэрэв энэ хугацаанд амжиж даатгуулаагүй тохиолдолд аравдугаар сарын 1-нээс эхлэн замын хөдөлгөөнд оролцохыг хориглоод зогсохгүй даатгалд хамруулах хүртэл нь тээврийн хэрэгслийг тань журамлаж, зардлыг нь төлүүлэх юм байна. Түүнчлэн тээврийн хэрэгслийн өмчлөгч болон жолоочид хөдөлмөрийн хөлсний доод хэмжээтэй тэнцэх торгууль оногдуулах ажээ. Энэ нь 140 мянган төгрөгөөр хэмжигдэх юм.  Тиймээс хуулийн хугацаанаас өмнө амжиж дурын даатгалын компаниар дамжуулан Жолоочийн хариуцлагын даатгалд хамрагдаж болох юм.  
Өнгөрсөн долдугаар сарын байдлаар жолоочийн даатгалын гэрээгээ байгуулсан 178 мянга гаруй тээврийн хэрэгсэл байна. Үүнээс  152 мянга нь хувь хүн, 23 мянга нь хуулийн  этгээд, 2700 гаруй мэргэшсэн жолооч байгаа ажээ.