УИХ дахь МАХН-МҮАН-ын “Шударга ёс” эвслийн бүлэг ээлжит хуралдаанаараа Орон нутгийн сонгуулийн тухай хууль болоод тус эвслээс УИХ-ын сонгуульд нэр дэвшсэн Ц.Оюунбаатарыг тангараг өргүүлэх асуудлыг хэлэлцлээ. Ингээд тус намын бүлэг Орон нутгийн сонгуулийг холимог тогтолцоогоор явуулах нь зүйтэй гэсэн байр суурьт нэгджээ. Ц.Оюунбаатарын тухайд МАХН-ны дарга Н.Энхбаярын асуудал хэрхэн шийдэгдэхээс шалтгаалаад түр хойшлоод байсан. Гэвч Н.Энхбаярт анхан шатны шүүх ял оноосон учраас “Шударга ёс” эвсэл Ц.Оюунбаатарыг тангараг өргүүлэх нь зүйтэй гэж үзсэн бололтой.