УИХ-ын ээлжит бус чуулган ирэх лхагва гаригт хуралдана. Ээлжит бус чуулганаар хэлэлцэх асуудлыг УИХ дахь АН бүлэг өнөөдрийн бүлгийн хурлаараа хэлэлцэн дэмжсэн байна. Тухайлбал, Шүүхийн захиргааны тухай хуульд хэсэгчлэн тавьсан Ерөнхийлөгчийн хориг, Монгол Улсын 2012 оны төсвийн тухай хуульд нэмэлт, өөрчлөлт оруулах тухай хуулийн төсөл, Орон нутгийн Хурлын сонгуулийн тухай хуулийн төсөл /шинэчилсэн найруулга/, Орон нутгийн Хурлын сонгууль товлон зарлах тухай болон зардлын хэмжээг батлах тухай УИХ-ын тогтоолын төслүүд, Засгийн газрын үйл ажиллагааны хөтөлбөр батлах тухай УИХ-ын хурлын тогтоолын төсөл, Монгол Улсын Их хурлын тухай хуульд өөрчлөлт оруулах тухай, Монгол Улсын Их Хурлын чуулганы хуралдааны дэгийн тухай хуульд нэмэлт, өөрчлөлт оруулах тухай хуулийн төслүүд /завсарлага/, Олон нийтийн радио, телевизийн Үндэсний зөвлөлийн зарим гишүүдийг томилох тухай асуудал, Шүүх байгуулах тухай хуульд нэмэлт, өөрчлөлт оруулах тухай хуулийн төсөл, Шүүгчийн орон тоо тогтоох тухай УИХ-ын тогтоолын төсөл, Тогтоолын хавсралтад нэмэлт, өөрчлөлт оруулах тухай УИХ-ын тогтоолын  төсөл, Ажилласан жил, тэтгэврийн даатгалын шимтгэлийг нөхөн тооцох тухай хуулийн төсөл, Нийтийн албаны тухай хуулийн төсөл зэргийг хэлэлцэн батлахаар болжээ.