2012-2013 хичээлийн шинэ жилийн нээлт бямба гарагт тохиож буй билээ. Гэхдээ энэ жилийн хувьд есдүгээр сарын 1-нд буюу бямба гарагт зөвхөн ерөнхий боловсролын сургуулиуд л нээлтээ хийх юм. Нээлтийн ажиллагаа нь нэгэн зэрэг 9:00 цагт эхлэх бол 10:00 цагаас Монгол Улсын Ерөнхийлөгчийн заах хичээлийг зохион байгуулахаар болжээ.  Энэ жилийн хувьд Ерөнхийлөгч "Хүн болох багаасаа, хүлэг болох унаганаасаа"  сэдвээр хичээл заах юм. Ерөнхийлөгчийн заах хичээлийг бүх сурагчид үзэх боломжийг сургууль, анги танхимд бүрдүүлэх, энэхүү бэлтгэлийг хангахдаа багш, эцэг эх, суралцагчдад ямар нэгэн хүндрэл, дарамт учруулахгүй байхаар зохион байгуулах, бэлтгэл хангасан талаараа мэдээлэл ирүүлэхийг аймаг нийслэлийн  Боловсрол, соёлын газар, хэлтсүүдэд өгчээ. Дашрамд сонирхуулахад, их, дээд сургуулиуд ирэх сарын 3-нд нээлтээ хийх юм.