УИХ-ын ээлжит бус чуулганаар Олон нийтийн радио, телевизийн Үндэсний зөвлөлийн бүрэн эрхийн хугацаа дууссан зарим гишүүдийг нөхөн томилох асуудлыг хэлэлцэхээр төлөвлөжээ. Олон нийтийн радио, телевизийн тухай хуулийн 21 дүгээр зүйлийн 21.4-д заасны дагуу эрүүл мэнд, гадаад харилцаа, биеийн тамир, спорт, хөдөлмөр, нийгмийн хамгаалал гэсэн чиглэлээр үйл ажиллагаа явуулдаг төрийн бус байгууллагууд тухайн чиглэлээр мэргэшсэн хүн дэвшүүлэн материалыг нь ирэх есдүгээр сарын 5-ны дотор УИХ-д өгөх юм байна.
Олон нийтийн радио телевизийн Үндэсний зөвлөлийн гишүүдээс дөрвийг нь Монгол  Улсын ерөнхийлөгч, долоог нь УИХ, дөрвийг нь Монгол Улсын Засгийн газар тус бүр зургаан жилийн хугацаатай нэр дэвшүүлэн сонгодог юм.