Чингэлтэй дүүргийн шүүх өнөөдөр 14:00 цагаас УИХ-ын гишүүн З.Баянсэлэнгэ нарын дөрвөн хүнд холбогдох хэргийг хэлэлцэж эхэлсэн юм.  Тэднийг өнгөрсөн оны арваннэгдүгээр сард Ерөнхийлөгч асан Н.Энхбаярын туслах Б.Тулгыг УМБГ-аас баривчлах үеэр Нийслэлийн прокурорын газрын хяналтын прокурор О.Мөнхбаатарын биед халдсан хэмээн буруутгаж буй. Гурван цаг орчим үргэлжилсэн шүүх хурал завсарлаж, шүүхийн гадна цагдаагийн албан хаагчид олноор цуглаж байгаа гэнэ. Улсын яллагдагч УИХ-ын гишүүн З.Баянсэлэнгэд нэг жил зургаан сар хорих ял төлөвлөснөө шүүх бүрэлдэхүүнд танилцуулжээ.