Чингэлтэй дүүргийн шүүх өчигдөр УИХ-ын гишүүн З.Баянсэлэнгэ, МАХН-ын гишүүн Я.Мөнхсайхан, Д.Шонхоо, М.Амартүвшин нарт холбогдох хэргийг хэлэлцэж, хэрэгсэхгүй болгох шийдвэр гаргалаа. Тэднийг өнгөрсөн оны арваннэгдүгээр сард Ерөнхийлөгч асан Н.Энхбаярын туслах Б.Тулгыг УМБГ-аас баривчлах үеэр Нийслэлийн прокурорын газрын хяналтын прокурор О.Мөнхбаатарын биед халдсан гэж буруутгаж байв. Харин шүүх бүрэлдэхүүн нотлох баримт хангалтгүй гэсэн шалтгаанаар хэрэгсэхгүй болгожээ.