Тээврийн жолоочийн хадам ээж, дүүгийнх нь шинжилгээнээс  коронавирус илэрсэн тухай мэдээллийг ХӨСҮТ-ийн ерөнхий захирал Д.Нямхүү өнөөдөр өгсөн. Тэдний ойрын хавьтлуудыг эхнээс нь олж тусгаарлаж буй билээ. Дүү нь МУБИС-д суралцдаг талаар бид өмнө нь мэдээлсэн. Тэгвэл МБУС-ийн Хөтөлбөрийн албанаас МЭДЭГДЭЛ гаргажээ.

Үүндээ “Вирус илэрсэн оюутан нь манай сургуулийн математикийн ангийн оюутан бөгөөд 9,10-ны өдрүүдэд сургууль дээрээ буюу МУБИС-ийн 3-р байран дээр ирсэн. Уг оюутан нь нэг дэх өдөр нэг семинарт суусан бөгөөд 2 дахь өдөр номын санд сууж байгаад, цайны газраар орсон, тэгээд гарсан маршруттай байна.

МБУС-ийн хөтөлбөрийн албаны ажилтнууд түүнтэй хамт байсан, уулзсан оюутнуудын нэрсийг тодруулан УОК, Цагдаа нартай хамтран шуурхай ажиллаж байна.

Иймд 9, 10-ны өдрүүдэд 3-р байранд ирсэн болон цайны газар, номын сангаар үйлчлүүлсэн оюутнууд гэртээ өөрийгөө тусгаарлаж, ажиглах бөгөөд ямар нэгэн шинж тэмдэг илэрвэл тусгай дугаараас лавлаж асуугаарай. Тухайн оюутантай ойр байсан, хамт явсан халдвар авсан байж болзошгүй оюутнуудтай УОК-оос холбогдоно. Холбогдохгүй бол тайван байж болох бөгөөд өөрийгөө ажиглаж, утсаа байнга нээлттэй байлгахыг сануулж байна... Халдвар хамгааллын дэглэмээ чанд сахиарай” гэжээ.

Эх сурвалж:МБУС-Хөтөлбөрийн алба