МАХН-ын дарга, Ерөнхийлөгч асан Н.Энхбаяртай холбоотой мөнгө угаах сүлжээг илрүүлсэн тухай Хятадын “South China Morning Post” сонинд нийтлэл гарсан тухай бид өмнө нь мэдээлсэн. Эл мэдээлэлтэй холбоотой түүний өмгөөлөгч С.Нарангэрэл ийм тайлбар хийлээ.  
Тэрээр “Энэ мэдээллийн тухай сонссон. Энэ хэлмэгдүүлэлт юунаас болсон бэ гэхээр Н.Энхбаяр даргыг хүчтэй байхад, Монголын төрийг барьж байх үед түүнд бялдуучилж, зусардаж явсан нөхдөөс болсон. Даргын нэрээр өөрсдөө хамаг муу муухай юмыг хийчихээд одоо энэ хүн рүү бүх буруугаа чихэж байна. Буруугаа бусдад нялзаах гэсэн оролдлого одоо болтол үргэлжилж байна. Гадаадын хэвлэл мэдээллийн хэрэгслээр хүртэл ийм мэдээлэл гаргаж байна. Хавтаст хэрэгт энэ тухай байхгүй. Н.Энхбаяр даргатай холбоотой бүх зүйлийг шалгасан шүү дээ” гэв.