ЦЕГ-ын дарга Б.Билэгт тушаал гаргаж Хэрэг бүртгэх албаны даргын үүрэгт ажлаас цагдаагийн хурандаа Л.Сүхээг чөлөөлж,  Санхүү, ар талын газрын даргаар томилжээ. Мөн Нийгмийн хэв журам хамгаалах газрын Захиргааны Удирдлагын хэлтсийн даргаар ажиллаж байсан хурандаа Ц.Очгэрэлийг Хэрэг бүртгэх албаны даргаар тохоон томилсон бол Дархан-Уул аймгийн цагдаагийн газрын дарга хурандаа Д.Батжаргалыг Нийслэлийн цагдаагийн газрын даргаар томилсон байна. Харин нийслэлийн Цагдаагийн газрын дэд даргаар Ц.Азбаяр томилогджээ. Хэв журмын хэлтсийн дарга байсан цагдаагийн дэд хурандаа П.Батбаатарыг үүрэгт ажлаас чөлөөлж Эрүүгийн цагдаагийн газрын дэд даргаар томилсон бол Цагдаагийн дэд хурандаа Д.Отгонжаргалыг Мөрдөн байцаах газрын дэд даргын үүрэгт ажлаас нь мөн газарт Байгаль хамгаалах журмын эсрэг гэмт хэрэг  мөрдөх хэлтсийн даргын ажилд шилжүүлжээ.
Цагдаагийн дэд хурандаа А.Батбаярыг Сүхбаатар дүүргийн  цагдаагийн хэлтсийн даргын үүрэгт ажлаас чөлөөлж, Мөрдөн байцаах газрын дэд даргаар томилсны зэрэгцээ
Цагдаагийн хошууч А.Гэрэлт-Очийг  Дотоод хяналт шалгалт, аюулгүй байдлын хэлтсийн даргаар тус тус томилсон байна.