ШӨХТГ-т томоохон зах, худалдааны төвүүдэд НӨАТ-ын баримт олгохгүй байна гэх гомдол, мэдээллийг иргэд тасралтгүй ирүүлдэг. ШӨХТГ-аас нийслэлд байрлах бүх зах, худалдааны төвүүдэд, тэр дундаа махны худалдаа эрхлэгчдэд НӨАТ-ын баримтыг худалдан авагч бүрт заавал олгох тухай шаардлагыг хэд хэдэн удаа хүргүүлжээ. Худалдаа эрхлэгч болон аж ахуй нэгжүүд махны худалдаанд баримт олгох нь хүндрэлтэй, POS машиныг хэрэглэх боломжгүй гэх мэт тайлбарыг тавьсаар өдийг хүрсэн байна.

Харин БЗД-т байрлах Жуков худалдааны төв шаардлагын дагуу махны худалдааны төлбөрийн нэгдсэн системийг бий болгож, НӨАТ-ын баримтыг хэрэглэгчдэд олгодог болжээ. Тус төв хэдий түрээслэгчдээс бүрддэг аж ахуй нэгж ч махны худалдааг стандартад нийцсэн, хэрэглэгчдэд хүртээмжтэй зохион байгуулж болохыг харууллаа гэж ШӨХТГ-аас мэдээлэв.