Парламентын бүтцэд харьяалагдах дэд хорооны дарга нар тодорсоор байна. Өчигдөр Хууль зүйн байнгын хорооны дэргэдэх Хүний эрхийн дэд хорооны даргыг сонгов. Энэ албан тушаалд нэр дэвшүүлсэн хүний асуудлыг УИХ дахь нам, эвслийн бүлгэд танилцуулж, саналыг нь сонсдог журамтай. Дэд хорооны даргад АН-аас Хууль зүйн байнгын хорооны гишүүн Д.Ганбатыг нэр дэвшүүлснийг тус Байнгын хорооны гишүүдэд танилцуулахад асуулт тавих, санал хэлэх гишүүн гараагүй бөгөөд санал нэгтэйгээр дэмжлээ.
Иймээс 100 хувь дэмжлэг авсан санал хураалтын дүнд үндэслэн УИХ-ын гишүүн, Хууль зүйн байнгын хорооны гишүүн Д.Ганбатыг Хүний эрхийн дэд хорооны даргаар сонголоо.