Хот суурин газрыг цэцэрлэгжүүлэхэд өргөн хэрэглэгдэж ирсэн улиас мод нь олон сайн талтай экологийн үр ашиг өндөртэй ургамал. Гэвч эм улиас модны үр хөврөл буюу унгарил хийсэх үзэгдэл нь нийслэлчүүдийн дунд тулгамдсан асуудлын нэг билээ.
Сүүлийн жилүүдэд Улаанбаатар хотын Захирагчийн ажлын албанаас модны дохиурын тоосжилт, унгарил тархахаас сэргийлэх арчилгааны бүхий л аргуудыг шат дараатай хэрэгжүүлж унгарилын тоог бууруулах ажлуудыг хийсээр байгаа билээ. Тухайлбал Модыг зөв хэлбэржүүлэх, Молцог түүх, Унгарил гарсан үед шүршиж угаах зэрэг ажлуудыг тогтмол хийдэг.
Эдгээрээс гадна сүүлийн үед шинээр нэвтрээд буй модны унгарилын гарцыг 90% бууруулдаг тариа ашиглахаар бэлтгэл ажлыг хангаж өнөөдрөөс тарилгын ажлыг эхлүүлээд байна.
Эхний ээлжинд судалгаагааг хотын төв, хязгаарлагдмал хэрэгцээний буюу цэцэрлэг сургууль, орон сууцны дунд байрлах 2000ш улиас модонд хийхээр болсон.
Тарилгыг товч тайлбарлавал:
Бутлаг төрлийн модны биологийн онцлог шинж чанарт тулгуурлан ургамлын өсөлт идэвхижүүлэх эмийг ашиглан, нахианы хуваагдлын үед нь /5-7 сард/ эмийн бодисыг модны их биерүү нь хийснээр идэвхитэй бодисууд их биеэр дамжин тархаж бүхэл модны өсөлтийн хэсэгт хүрч модны уг гормоны байдлыг эвдэж, нахианы хөвөн хийсэх үзэгдлийг эхний жил 20%, түүнээс хойш жил бүр тогтмол 90%-тай бууруулдаг. Дахин тарих шаардлагагүй.
