Нийслэлийн хүүхэд, залуучуудын ордоны хойд жигүүрт байрлах Нийслэлийн МАН-ын хороог энэ байраа суллаж өг гэжээ. Учир нь энэ байшин нийслэлийн өмчийн газар тул улс төрийн нам байрлуулахгүй гэсэн байна. Нийслэлийн Засаг дарга ийм шийдвэр гаргаж улс төржүүлсэн өнгө аясаар хандлаа гэж НИТХ-ын МАН-ын бүлгийн дарга Д.Амарбаясгалан мэдээлэв. Тэрээр “Нийслэлийн өмчийн байрнаас улс төрийн намыг гар гэлээ. 1990 онд АН МОНЦАМЭ агентлагийн хуучин байранд байрлаж л байсан. СТӨ-ний хүзүүвчийг хувьчилж авсан шүү дээ. Тэгсэн мөртлөө Нийслэлийн Засаг дарга Э.Бат-Үүл нийслэлийн МАН-ын хороог энэ байраа сулла гэж байгаа нь таалагдахгүй байна. МАН-ын газрын хөрснөөс арчих гэсэн оролдлого гаргаж байгаа нь харамсалтай” гэсэн юм.