-Манай соёл урлагийн байгууллагад олон хүн ажилладаг. Тэр хүмүүсийн хөдөлмөрийн үр дүнд л соёлын өвтэй болдог. Соёлын өв маань байшин барилга шиг бодитой харагддаггүй ч гэсэн Монгол Улсыг таниулах хамгийн чухал зүйл юм. Тиймээс эхний ээлжинд Монголын соёлын өвүүдийг бүртгэлжүүлэх ажил хийнэ. Үүнийгээ олон улсын хэмжээнд хамгаалуулах ажилд хүчээ дайчилж ажиллах болно. Хоёрдугаар ажил маань соёл урлагийн байгууллагын ажилчдынхаа амьдрах орчин нөхцөлийг сайжруулна. Зэмсэг хэрэгсэл, орон байрыг нь  сайжруулахад анхаарч, урлагт зарцуулах улсын төсвийг нэмэгдүүлэх хуулийн төсөл өргөн барина.

-Соёл урлагийн байгууллагуудыг төрөөс санхүүжүүлж, олсон орлогыг нь хураахаа больчихвол асуудал өөрөөр шийдэгдэх юм биш үү. Та энэ тал дээр ямар бодолтой явдаг вэ?

-Хамгийн гол зүйл нь урлагийн эрх чөлөө. Эрх чөлөөтэй орчинд л урлагийн бүтээл төрнө. Тиймээс энэ тал дээр анхаарч шат дараатай ажил хийхээр төлөвлөж цаашид хэрэгжүүлнэ. Энэ эрх чөлөөг бий болгохын тулд хийх хамгийн эхний ажил бол соёл урлагийн байгууллагууд олсон хөрөнгө мөнгөө өөрсдийнхөө сурч боловсрох, хөгжих ажилд зориулдаг болох. Гэхдээ ийм том ажлыг би дангаараа тушаал гаргаад шийдэж чадахгүй л дээ. Тиймээс эхлээд чанартай хуулийн төсөл боловсруулж, Засгийн газраар батлуулах хэрэгтэй байна. Ер нь, урлагийн байгууллагууд үйл ажиллагаа явуулж байгаагийн хамгийн эцсийн зорилго нь үндэсний өв соёлыг л бүтээх шүү дээ.