Шинэчлэлийн Засгийн газар сар болгоны хоёр дахь долоо хоногийн хоёр дахь өдрийн 14 цагт иргэн, аж ахуйн нэгж, төрийн бус байгууллагынхны төлөөллийг хүлээн авч уулздаг байхаар болсон. Үүнийгээ “Шинэчлэлээр шийдье-222” гэж нэрлээд буй. Тэгвэл энэ уулзалтаар төрийн байгууллагаас үйлчилгээ авахад таныг юу хамгийн их бухимдуулдаг вэ, бизнес эрхлэхэд аль шатанд ямар чөдөр тушаа байна вэ, үүнийг өөрчлөх ямар шийдвэрүүд Засгийн газраас авах шаардлагатай вэ, жижиг дунд үйлдвэрлэл эрхлэхэд танд ямар бэрхшээл учирч байна вэ, гарц нь юу байх вэ зэрэг асуултыг тойрч ярилцаж иргэдийн санал бодлыг Ерөнхий сайд Н.Алтанхуяг сонсох юм байна.