Хэвлэх үйлдвэрийн хувьчлалыг хууль бус явуулж улсны хөрөнгө завшсан, Япон улсаас бэлэглэсэн бурхны телевизийн хөрөнгийг хувьдаа авсан зэрэг хэргийн учир анхан шатны шүүхээс дөрвөн жилийн ял аваад одоо хоригдож байгаа МАХН-ын дарга Н.Энхбаяртай намын нөхөд нь орой ойрхон уулзаж байх хүсэлтээ Нийслэлийн шүүхэд гаргасан байна. Тэд үндэслэлээ “Н.Энхбаяр нь МАХН-ын дарга, МАХН, МҮАН-ын “Шударга ёс” эвслийн тэргүүн учир намын нөхөд нь байнга уулзаж ярилцан зөвлөгөө авч байх шаардлагатай байна” гэсэн байна.
Н.Энхбаяр анхан шатны шүүхийн шийдвэрийг үндэслэлгүй гэж үзэн давж заалдах шатны шүүхэд өргөдөл гаргасны дагуу давж заалдах шатны шүүх хурал энэ сарын 29-нд Нийслэлийн шүүхэд болох юм.