Монголбанкны Ерөнхийлөгч Л.Пүрэвдорж үүрэгт ажлаасаа чөлөөлөгдөх хүсэлтээ УИХ-д гаргасан. Үүний дагуу түүнийг ажлаас нь чөлөөлөх эсэх, түүний оронд нэр дэвшигч Н.Золжаргалыг томилох эсэхийг УИХ-ын Эдийн засгийн байнгын хороогоор хэлэлцэн дэмжсэн. Тэгвэл энэ асуудлыг өнөөдөр УИХ-ын чуулганы хуралдаанаар хэлэлцэн батлах бололтой. Н.Золжаргалыг Монголбанкны Ерөнхийлөгч нэр дэвшүүлэхэд УИХ-ын дарга З.Энхболд, Үйлдвэр, хөдөө аж ахуйн сайд Х.Баттулга нарыг нэлээд зүтгүүлсэн гэх мэдээлэл байгаа юм. Ямартай ч өнөөдөр Монголбанк дахин нэг шинэ хүнээр удирдуулах нь тодорхой болох биз.