Нийслэлийн шүүх өчигдөр ОБЕГ-ын дарга асан, генерал П.Даш, Улсын нөөц бүрдүүлэлтийн газрын дарга Л.Алтангэрэл нарын гомдлыг хэлэлцээд анхан шатны шүүхийн шийдвэрийг хэвээр үлдээжээ. Тэднийг Эрүүгийн хуулийн 150.3, 263.2-т зааснаар албан тушаалаа урвуулан ашиглаж бусдын эд хөрөнгийг завшсан хэрэгт буруутгасан юм.
Өөрөөр хэлбэл, тэдэнд анхан шатны шүүхээс П.Даш, Л.Алтангэрэл нарт гурван жил зургаан сар хорих ял оноож, П.Дашаас 460 сая, Л.Алтангэрэлээс 149 сая төгрөг гаргуулж, ОБЕГ-т олгохоор шийдвэрлэснийг Нийслэлийн шүүх хэвээр үлдээлээ.