Ашигт малтмалын газрын дарга асан Д.Батхуягийн хэрэгтэй холбогдуулан тус газрын хоёр ажилтныг АТГ-аас шалгаж, цагдан хорьжээ. Д.Батхуягийг АМГ-ын дарга байхдаа ашигт малтмалын 43 тус зөвшөөрлийг сэргээсэн, урт нэртэй хуульд хамаарах газарт 192 лиценз олгосон хэмээн буруутгаж шалгаж байгаа билээ. Өдгөө Д.Батхуяг Төв аймгийн Тахир соёот дахь хорих газар хоригдож байгаа юм. Уг нь, түүний хэргийг АТГ-аас хэрэгсэхгүй болгосон ч сонгуулийн өмнөхөн дахин сэргээж шалгасан юм. Д.Батхуяг Хөвсгөл аймагт УИХ-ын сонгуульд нэр дэвшихээр зэхэж байсан ч хорьсон нь улс төрийн шалтгаантай гэдгийг учир мэдэх хүмүүс хэлж байгаа юм.