УИХ дахь МАН-ын гишүүд өнөөдөр хуралдаж,  өнгөрөгч баасан  гарагт УИХ-ын баталсан  Орон нутгийн сонгуулийн тухай хуулийн талаар хэлэлцжээ.
Хурлын талаар УИХ-ын гишүүн Я.Содбаатар, Н.Энхболд нар мэдээллэхдээ   УИХ-ын ээлжит бус чуулганаар АН-ын бүлэг хуралдааны ирц бүрдээгүй байхад  хулгайч шиг шөнө дөлөөр хуралдаж Орон нутгийн сонгуулийн тухай хуулийг баталсан нь хууль зөрчсөн үйлдэл гэж үзэж байгаагаа хэллээ.
Ийм болохоор МАН-аас УИХ-д сонгогдсон  25 гишүүн энэ хуулийн асуудлаар Үндсэн хуулийн цэцэд гомдол гаргахаар болсон байна.
Тэдний тайлбараар УИХ- дахь АН-ын бүлэг хүч түрэмгийлэн  нэг намын эрх ашигт нийцсэн хууль баталсан нь сонгуулиар булхай луйвар хийх  зорилготой гэж хардаж байгаа юм байна.