УИХ-ын чуулганы нэгдсэн хуралдаанаар Олон нийтийн радио, телевизийн Үндэсний зөвлөлийн зарим гишүүнийг сонгох тухай асуудлыг хэлэлцэн, долоон гишүүнийг шинээр томиллоо. Энд Монгол Улсын Ерөнхийлөгчөөс санал болгосны дагуу Төрийн соёрхолт жүжигчин Д.Сосорбарам УИХ-ын гишүүдийн 93.3, Төрийн шагналт зохиолч Б.Цэнддоо 98.3-ийн санал тус бүр авч Олон нийтийн радио, телевизийн Үндэсний зөвлөлийн гишүүн боллоо.

Харин Засгийн газраас санал болгосны дагуу “Ирээдүйгээ аврах” хөдөлгөөний тэргүүн А.Арман гишүүдийн 93.5 хувийн саналаар, Монголын Залуучуудын холбооны ерөнхийлөгч А.Мөнхбат 90 хувийн санал авч дээрх албанд томилогдлоо.  
УИХ-аас санал болгосон Д.Гоошоохүү гишүүдийн 83.6 хувиар,”Боролдой” студийн захирал  С.Мягмар 96.6 хувь, Л.Пүрэвдорж 93.3 -ын санал тус бүр авч Олон нийтийн радио, телевизийн Үндэсний зөвлөлийн гишүүнээр томилогдлоо.

Олон нийтийн радио телевизийн Үндэсний зөвлөлийн гишүүнээр нийт найман хүнийг зургаан жилийн хугацаатай томилох байсан ч Монгол, Германы Гүүр төрийн бус байгууллагын ерөнхийлөгч Ц.Батмөнх гишүүдийн 47.5 хувийн санал авснаар дэмжлэг хүлээж чадалгүй уналаа. Тиймээс түүний оронд УИХ-аас дахин өөр хүнийг санал болгох ёстой болж байна.