АТГ-ынхан албан тушаалтнуудын хувийн ашиг сонирхлын болон хөрөнгө, орлогын мэдүүлгийн нэгдсэн дүнг гаргажээ.  Улсын хэмжээнд мэдүүлгээ бүртгүүлэх 46000 орчим албан тушаалтан бий. Тэдний 99,79 хувь нь хувийн ашиг сонирхлын болон хөрөнгө, орлогын мэдүүлгээ бүртгүүлсэн байна.
Харин 96 албан тушаалтан мэдүүлгээ гаргаж өгөөгүй, гаргахаас татгалзжээ. Тэдгээр албан тушаалтны 80 нь аймаг, сум, дүүргийн ИТХ-ын төлөөлөгч, нэг нь шүүгч, зургаа нь нь төрийн захиргааны албан тушаалтан, мөн зургаа нь төрийн болон орон нутгийн өмчит хуулийн этгээдийн удирдах албан тушаалтан, хоёр нь төслийн зохицуулагч болон хөдөлгөөний тэргүүн, нэг нь Ерөнхий сайдаас томилогддог албан тушаалтан байсан гэнэ.
АТГ-ынхан Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль, Авлигын эсрэг хуулийн үйлчлэлд хамаарах албан тушаалтнуудын хувийн ашиг сонирхлын мэдүүлэг болон хөрөнгө, орлогын мэдүүлгийг шинэчлэн бүртгэх ажлыг анх удаа улсын хэмжээнд зохион байгуулж, нэгдсэн дүн гаргасан нь энэ.