Сүх жанжны талбайн чанх урд орших “заазууран” гэх барилга буюу “Blue sky tower”-ыг шүүхээс ял сонсоод буй Н.Энхбаярынх гэдэг. Гэхдээ уг барилга хэний нэр дээр байдаг нь тодорхойгүй явсаар ирсэн. Зөвхөн нэгэн нууц ноёнтон байдаг тухай яриа төдий зүйл л бий. Тэгвэл энэ барилгатай холбоотой дуулиан дахин дэгдэж эхэллээ. Тодруулбал, нэр нь тодорхойгүй нууц ноёнтныг ТЕГ, АТГ-ынхан хамтарч алс холын Англи улсаас баривчилж ирсэн тухай мэдээлэл түгэх болов. Гэхдээ ямар арга замаар авчирсан нь тодорхойгүй байна.
Өндөр шилэн харш баригдаж эхэлсэн цагаасаа л хэл ам дагуулсан. Хэргэм зэрэг өндөртэй хүмүүсийн ашиг сонирхлоор цогцолсон, хууль бус зүйл чамгүй хийсний үр дүн гэсэн хардлага дагуулдаг билээ. Магадгүй, эрхэм хүндэт Н.Энхбаярыг гарах гарцгүй болгохын тулд ийм зүйл хийсэн ч байж болох таамаг бий.