УИХ-ын чуулган хаалтаа хийсний дараа Байнгын хороод тайлангаа тавьдаг уламжлалтай. Ээлжит бус чуулган өндөрлөсөн учраас энэ дагуу өчигдөр Төрийн байгуулалтын байнгын хороо болон Эдийн засгийн байнгын хороо хийсэн ажлаа тайлагналаа.
Төрийн байгуулалтын байнгын хороо анхдугаар чуулган болоод ээлжит бус чуулганы хугацаанд нийт есөн хууль баталж, УИХ-ын зургаан тогтоол баталжээ. Хуулийн төсөл, тогтоолын төсөлд 15 санал гаргаж хүргүүлсэн байна. Орон нутгийн сонгуулийн тухай хуулийн төсөл, тус хуультай холбогдуулан Иргэний бүртгэлийн тухай хуульд нэмэлт өөрчлөлт оруулах хуулийн төсөл, Засгийн газрын 2012-2016 оны үйл ажиллагааны мөрийн хөтөлбөр зэргийг хэлэлцсэн аж. Томилгоотой холбоотой асуудал Төрийн байгуулалтын байгын хороогоор дамждаг. Ээлжит бус чуулганаар Монголбанкны ерөнхийлөгчийг ажлаас чөлөөлөх, томилох, Олон нийтийн радио телевизийн Үндэсний зөвлөлийн гишүүдийг томилох зэргийг хэлэлцэд чуулганы хуралдаанд оруулжээ. Төрийн байгуулалтын байнгын хороо хамгийн ачаалалтай ажлласан  гэж дарга А.Бакей онцлов. УИХ, Засгийн газрын бүтцийг батлах эрх зүйн орчин бүрдүүлэхийн тулд амжилттай ажилласан гэсэн юм.

Б.Энхболор