Ээлжит бус чуулганы хугацаанд Эдийн засгийн байнгын хороо Төсвийн тодотгол, Засгийн газрын мөрийн хөтөлбөр, Монголбанкны ерөнхийлөгчийг чөлөөлөх, томилох асуудал хэлэлцэхэд гурван ажлын хэсэг байгуулан ажиллажээ. Уг Байнгын хорооноос Засгийн газрын 2012-2016 оны үйл ажиллагааны мөрийн хөтөлбөрт 30 санал өгсөн байна. Зээлийн батлан даалтын санд нэмж таван тэрбум төгрөг тусгах санал гаргаж, дэмжлэг авчээ. Мөн санхүүгийн шинэтгэл хийж, уул уурхай бус эдийн засаг тэр дундаа жижиг дунд үйлдвэрлэлд илүүтэй хөрөнгө оруулалт хийх, уул уурхайн сан байгуулах, нийслэлийн дэд бүтцийг сайжруулах зэрэг санал, чиглэл Засгийн газарт өгсөнийг Эдийн засгийн байнгын хорооны дарга Б.Гарамгайбаатар онцлов. Удахгүй эхлэх намрын ээлжит чуулганы хуралдаанд Эдийн засгийн байнгын хороо  2013 оны төсвийн төсөл, Хадгаламжийн даатгалын тухай хуулийн төсөл, Үнэт цаасны зах зээлийн бодлого, Үндсэн чиглэл зэрэг асуудал хэлэлцэхээр төлөвлөж байгаа аж.