Нийслэлийн шүүх өчигдөр цагдаагийн экс дарга нарын давж заалдах гомдлыг хэлэлцэж, 00:20 цагийн үед шийдвэрээ танилцуулсан байна. Тус шүүх анхан шатны шүүхийн шийдвэрийг хэвээр нь үлдээх шийдвэр гаргажээ.
Сүхбаатар дүүргийн шүүхээс ЦЕГ-ын даргын үүрэг гүйцэтгэгч асан Ч.Амарболд,  ЭХГ-ын дарга асан Ш.Батсүх нарт гурван жил зургаан сар, НЦГ-ын дарга асан О.Зоригтод хоёр жил зургаан сар хорих ял оноосон билээ. Харин тус газрын Хэв журмын хэлтсийн дарга асан Г.Ганбаатарт хоёр жил хорих ял оноосноо өршөөн хэлтрүүлсэн. Өөрөөр хэлбэл, эл шийдвэрт өөрчлөлт оруулаагүй байна.