МАХН-ын дарга, Ерөнхийлөгч асан Н.Энхбаяр нарын дөрвөн хүний давж заалдах шатны шүүх хурал маргааш Нийслэлийн шүүхэд болно. Сүхбаатар дүүргийн шүүх Н.Энхбаярыг “Өргөө” зочид буудал, “Улаанбаатар таймс” сониныг хууль бусаар хувьчилж авсан, Японы “Агошү” байгууллагаас Гандантэгчинлэн хийдэд бэлэглэсэн телевизийн тоног төхөөрөмжийг болон “Эрдэнэт” үйлдвэрт ган бөмбөлөг нийлүүлэх нэрээр мөнгө завшсан хэрэгт буруутгаж, дөрвөн жил хорих ял оноосон. Тэрээр өмгөөлөгчийн хамт шүүх зохиомол хэргээр ял оноолоо хэмээн давж заалдах гомдол гаргасан юм. Нийслэлийн шүүх тэдний гомдлыг маргааш хэлэлцэж, анхан шатны шүүхийн шийдвэр хуульд нийцсэн эсэхийг нягтална.