Эрүүл мэндийн сайд Н.Удвал  манай улсад ажлын айлчлал хийж байгаа Бээжин хотод суугаа Бельгийн Вант Улсын Элчин сайд ноён Патрик, Монгол дахь Бельгийн өргөмжит консул ноён Кашэ болон дагалдан яваа холбогдох албаныхантай уулзлаа. Уулзалтын эхэнд сайд Н.Удвал хоёр улсын эрүүл мэндийн салбар дахь харилцаа, хамтын ажиллагааны талаар мэдээлэл хийж, “Зүүн бүсийн оношлогоо, эмчилгээний төвийн чадавхийг сайжруулах төсөл” Бельгийн Засгийн газрын хөнгөлөлттэй зээлийн хүрээнд амжилттай хэрэгжиж дууссанд талархал илэрхийлэв. Харин Элчин сайд ноён Патрик хоёр улсын эрүүл мэндийн салбар дахь хамтын ажиллагааны талаар мэдээлэл өгсөнд талархлаа илэрхийлээд, Бельги Улсын Валуун мужид Монголын асуудлыг хариуцсан эдийн засгийн төлөөлөгч 2013 оноос томилогдон ажиллах болсныг мэдэгдлээ.