УИХ-ын эмэгтэй гишүүдийн бүлэг, Жендерийн үндэсний хороо болон МОНФЕМНЕТ үндэсний сүлжээ хамтран НҮБ-ын Хүн амын сангийн дэмжлэгтэйгээр зохион байгуулах гэж буй "Жендерийн тэгш эрхийг хангах үр дүнтэй үндэсний механизм бүрдүүлэх нь" сэдэвт зөвлөгөөн маргааш  Төрийн ордонд болно.  Энэхүү зөвлөгөөний үр дүнд Үндэсний хэмжээнд хүн бүрийн эрх, эрх чөлөөг үр дүнтэй хамгаалах, эмэгтэйчүүд, эрэгтэйчүүдийн тэгш эрхийг төлөвшүүлэх, Монгол Улсын Үндсэн хууль, олон улсын холбогдох гэрээ, конвенц, Жендерийн тэгш байдлыг хангах тухай хуулийн хэрэгжилтийг хангах зорилгоор Жендерийн тэгш эрхийг хангах үр дүнтэй үндэсний механизм бүрдүүлэх талаар мэдээлэл, санал солилцож, нэгдсэн ойлголттой болох юм байна.