Засгийн газар төрийн өмчит компаниудыг ил тод, нээлттэй, үр ашигтай ажиллуулах зарчмыг баримтална гэдгээ мэдэгдсэн. Энэ хүрээнд Эрдэнэс Монгол ХК-ийг менежментийн компани болж, олон улсын зах зээлд Монгол Улсыг төлөөлж өрсөлдөх чадвартай компани болгоно гэж мэдээлсэн юм. Эрдэнэс Монгол ХК-д бүтцийн өөрчлөлтөд оруулж, ажил, мэргэжил дээр сонгон шалгаруулалт явуулж, 88 ажлын байранд нээлттэй сонгон шалгаруулалт хийх гэж байна.

Сонгон шалгаруулалтын бүртгэлийг өнөөдрөөс 16 хүртэл https://e-tanhim.gov.mn/ сайтаар хийнэ. Шалгаруулалт хоёр үе шаттай явагдана. 

Шалгалт: 2023.01.26 – 2023.01.28-ны өдрүүдэд танхимаар

Ярилцлага: 2023.01.30–2023.02.01- ний өдрүүдэд танхимаар

• Нэгдсэн стратеги, бизнес хөгжлийн газар 13 орон тоо

• Үйлдвэр технологийн газар 12 орон тоо

• Санхүүгийн нэгдсэн удирлагын газар 14 орон тоо

• Дотоод хяналт, эрсдэлийн удирдлагын газар зургаан орон тоо

• Төслийн судалгаа, үнэлгээний газар долоон орон тоо

• Хууль, эрх зүйн газар долоон орон тоо

• Захиргаа, удирдлагын газар 23 орон тоо

Үүнээс гадна Зэс металлын группт гурван орон тоо, нүүрсний группт гурван орон тооны сонгон шалгаруулалт зарласан байна. Ажлын байр тус бүр дэх сонгон шалгаруулалтын дэлгэрэнгүй мэдээллийг https://e-tanhim.gov.mn/jobad  сайтаас үзнэ үү. 

ЗГХЭГ-ын дарга Д.Амарбаясгалангийн мэдээлснээр дээрх ажлын байранд дараах интервалаар цалин олгоно.

• Ахлах менежер /газрын дарга/ сарын цалин 9-12 сая төгрөг

• Менежер /хэлтсийн дарга/ сарын цалин 6,5-8,5 сая төгрөг

• Ахлах мэргэжилтэн сарын цалин 4-6 сая төгрөг

• Мэргэжилтэн 2-4 сая төгрөгийн цалинтай ажиллана.