Хууль зүйн сайд Х.Тэмүүжин, ХЗЯ-ны Төрийн нарийн бичгийн дарга Ж.Баяр­цэцэг нар ирэх дөрвөн жилд хэрэгжүүлэх бодлогоо өчиг­дөр салбарынхандаа та­нил­­цуул­­лаа. Яамныхаа бүт­цийг таван газар, дөрвөн хэл­тэстэй болгож, өөрчилсөн бай­на. Одоогоор тус яамны До­тоод хэргийн бодлогын хэрэг­жил­тийг зохицуулах хэлтсийн даргын суудал л эзгүй байгаа бол бусад газар, хэлтсийн дарга нар томилогдоод ажилдаа ханцуй шамлан орсон аж. Түүнчлэн ХЗЯ-ны харьяа арван агентлаг байгаагаас ЦЕГ, ГИХАЭГ, Хууль зүйн үндэсний хүрээлэн, Дотоод хэргийн их сургуулийн удирдлагыг шинээр томилоод байна. Бусад агентлагийн хувьд шинэ томилгоо хийнэ гэдгээ ч салбарын сайд нь дуулгалаа.

ХЗЯ-наас Эрх зүйн шинэч­лэ­лийн бодлогын хүрээнд олон чухал арга хэмжээ хэрэг­жүүлэхээр төлөвлөн ажиллаж байгаа гэнэ. Шинэчлэлийн бодлогын хүрээнд УИХ-ын ги­­шүүн, Хууль зүйн сайд Х.Тэмүү­жиний тушаалаар “Хууль зүйн салбарын нээлттэй бод­лого” хэмээх баримт бич­гийг баталжээ. Энэ нь харьяа агентлагуудын үйл ажил­лагаа нээлттэй, ил тод байд­лын зарчмыг хэрэгжүүлэх, хариуц­лага нэмэгдүүлэх, иргэдийн оролцооны бодит тэгш бо­ломжийг хангах, иргэдийн мэ­дээлэл хайх, хүлээн авах, байгууллага албан тушаалтанд өргөдөл, гомдол гаргах, шийдвэрлүүлэх эрхийг хангаж, баталгаажуулах зорилготой гэнэ.
Хууль зүйн сайд нээлт­тэй бодлогын хүрээнд хэрэг­жүүлэх ажил, яамны зүгээс тодорхойлсон тэргүүлэх бод­лого, яамны шинэ багаа салба­рынхандаа танилцуулсан юм. Түүнчлэн тэрээр манай салбар хар хайрцагны бодлого шиг хаалттай байхгүй, бүх ажил маань олон нийтэд ил тод нээлттэй байна гэдгийг үнцолж байлаа.