НҮБ-аас Ази номхон далайн орнуудын шийдвэр гаргах төвшинд эмэгтэйчүүдийн оролцоо бага байгаа учраас зөвлөлгөөн зохион байгуулжээ. Тайландын Бангкок хотноо болсон уг хурлаар дэлхий нийтийн хэмжээнд энэ бүс нутгийн эмэгтэйчүүд шийдвэр гаргах төвшинд бага хувьтай оролцож буйн гол  шалтгааныг хэлэлцэж, үүнийг хэрхэн сайжруулж, оролцоог нэмэх талаар зөвлөмж өгсөн байна. Манай улсын хувьд одоогийн парламентад есөн эмэгтэй гишүүн  ажиллаж буйг бага тоо гэж үзжээ. Шийдвэр гаргах төвшинд ердөө 12 хувийн оролцоотой байна хэмээн үзэж үүнийгээ 30 хувьд хүргэх талаар зөвлөсөн аж. Уг нь дэлхий нийтийн жишигт дундаж хувийг 20 хэмээн тогтоосон байна. Гэтэл манай улсын хувьд энэ нь дэндүү багад тооцогдож. Өмнөх УИХ-ыг бодвол энэ парламент харьцангуй олон эмэгтэй гишүүнтэй болсон ч бас л чамлахаар хэмжээнд буйг хэлжээ. Тиймээс 2016 оны сонгуулиар бүрдэх парламентад эмэгтэй гишүүд хамгийн багадаа 30 хувийг эзлэх үүрэг даалгавар НҮБ-аас авчээ. Мянганы хөгжлийн зорилтод ч мөн адил үүнийг тусгаж өгсөн учраас УИХ-ын эмэгтэй гишүүдийг сонгуулийн тухай хуульд энэ талаар өөрчлөлт оруулж, идэвхтэй ажиллахаар шийдээд байгаа аж. Өнгөсөн долоо хоногт болсон хуралд УИХ-ын эмэгтэй гишүүдийн бүлгийн дарга Л.Эрдэнэчимэг, С.Одонтуяа, Р.Бурмаа, З.Баянсэлэнгэ нар оролцоод иржээ. Тэд энэ парламентад ажиллах хугацаандаа сонгуулийн хуульд эмэгтэйчүүдийн квотын өндрөөр тогтооход ихэд анхаарч ажиллахаар болсон байна.