Хууль зүйн яамнаас өнөөдөр Нүхтэд 14:00 цагаас Шинэчлэлийн Засгийн газрын үйл ажиллагааны хөтөлбөрт тусгасан зорилтуудыг хэрэгжүүлэх ажлын хүрээнд “Эрх зүйн шинэтгэлийн чиг хандлага болон хөгжлийн төлөөх түншүүдийн оролцоо” сэдэвт уулзалт зохион байгуулна.
Хууль зүйн салбарт хийхээр төлөвлөсөн шинэчлэл, яамны үйл ажиллагааны стратеги, чиг хандлага болон бүтэц зохион байгуулалт шинэчлэгдэж байгаатай холбогдуулан салбарын хэмжээнд хэрэгжиж буй төсөл, хөтөлбөрүүдийг шинэчлэгдсэн үйл ажиллагаа, зорилтуудтай уялдуулах, холбогдох олон улсын байгууллага, хандивлагчдад танилцуулах юм байна. Мөн яамны бодлого, хоёр ба олон талт хандивлагчдын цаашдын хамтын ажиллагааны талаар санал солилцоно.
Уулзалтад Хууль зүйн яамны харьяа агентлаг, байгууллагуудын удирдлага, олон талт хөгжлийн байгууллагууд болон олон улсын төрийн бус байгууллагын төлөөлөл оролцох юм.