Монгол Улсын Сонгуулийн Ерөнхий Хороо хуралдаж  Аймаг, сум, дүүргийн иргэдийн төлөөлөгчдийн хурлын сонгуулийг зохион байгуулахтай холбоотой зарим асуудлыг хэлэлцэж шийдвэр гаргалаа. Тус хуралдаанаар сонгууль зохион байгуулах бэлтгэл ажлын төлөвлөгөө, сонгуулийн хуваарь, “Dominion Voting Systems” компанитай байгуулах гэрээний төслийг дэмжиж, сонгуулийн зардлын дээд хязгаарыг тогтоох, сонгуульд хэрэглэгдэх үнэмлэхний загвар, маягт батлах зэрэг асуудлыг хэлэлцэв. Хуралдаанаас Аймгийн иргэдийн төлөөлөгчдийн хурлын сонгуульд нэр дэвшигчээс зарцуулах зардлын ерөнхий хязгаарыг 80 хүртэл сая , дүүргийн иргэдийн төлөөлөгчдийн хурлын сонгуульд нэр дэвшигч 60 хүртэл сая , сумын иргэдийн төлөөлөгчдийн хурлын сонгуульд нэр дэвшигч 20 хүртэл сая төгрөг байхаар тус тус тогтоолоо.