УИХ дахь АН-ын бүлэг  2012 оны  УИХ-ын намрын чуулганаар ямар асуудлыг хэлэлцэх, шийдвэл зохих ямар асуудал  байгаа  талаар гишүүдийн саналыг сонслоо. Засгийн газрын  мөрийн хөтөлбөрийн үйл ажиллагааг хэрэгжүүлэхийн тулд бодлогын хэмжээнд ямар асуудлуудад  гол анхаарлаа төвлөрүүлж ажиллах вэ гэдэгт гишүүд санал нэгдлээ. Мөн намрын чуулганаар хэлэлцэх асуудлын дараалалтай холбоотой  зарим хуулийн төслүүдийг эргэн харах шаардлагатай гэдэгт байр суурь   нэгдлээ. Хадгаламжийн даатгалын тухай хууль, Үнэт цаасны тухай хуулиудыг УИХ-ын ээлжит чуулганаар хэлэлцэхээр  оруулсан  нь өмнөх парламент болоод хуулийг санаачилсан гишүүд нь одоогийн  УИХ-д  байхгүй  гишүүдийн саналуудыг өнөөдрийн  Засгийн газрын  мөрийн хөтөлбөр үйл ажиллагаанд нийцэж байгаа эсэх асуудлаар эргэж харж үзэх нь зөв гэсэн байр суурийг бүлэг дэмжлээ. Засгийн эрх мэдэл, бодлогыг хэрэгжүүлж байгаагийн хувьд  асуудлыг  шуурхай шийдэж шинэчлэл өөрчлөлт рефорум руу хурдацтай явж буйгийн хувьд ямар хуулийг хэзээ хэлэлцэх вэ гэдгийг бодлогын төвшинд авч үзэх ёстой. Түүнээс хэн нэгний гэнэтхэн санаачилж оруулж ирсэн лоббины хуулийн төсөлтэй тэмцэх ёстой гэж үзсэн. Хот төлөвлөлт, газар олголт гээд  нийслэлийн өмнө тулгамдаж буй олон асуудлуудыг нийслэлийнхээ бодлогтой уялдуулж хамтарч хийхээр саналтай бүлгийн гишүүд  санал нэгдэв.