Монгол Улсын 2013 оны  төсөв, 2013 оны Төрөөс баримтлах мөнгөний бодлоготой холбогдуулан Засгийн газраас өргөн барисан хуулийн төсөлтэй холбоотой  гишүүдийн зарим санал бодлыг авч үзэх шаардлагатай гэж  үзсэнийг АН бүлэг дэмжиж,  лхагва гарагийн хуралдаанаар  Сангийн сайд, Эдийн засгийн хөгжлийн сайд, Засгийн газрын хэрэг эрхлэх газрын даргаас  тус тус мэдээлэл сонсохоор болов. Хөрөнгө оруулалтын чиглэл монгол хүн бүхэн хөдөлмөрлөж, амьдрах бололцоо хөрөнгө оруулалтыг шийдэх ёстой гэж үзээд ирэх оны төсөвт нэмүү өртөг шингэсэн үйлдвэрлэлд хөрөнгө оруулах, дотоодынхоо хэрэгцээг монгол хөрсөнд тариалсан төмс, хүнсний ногоогоор 100 хувь хангах, түүний үнэ тарифыг дэмжих зэрэг асуудлыг тусгахаар ярилцаж  намрын чуулганы хэлэлцэх асуудлын “Бусад” асуудалд хэлэлцүүлэхээр болов.