АН бүлэг өнөөдрийн хуралдаанаараа УИХ-ын тухай хууль, УИХ-ын дэгийн тухай хуульд нэмэлт  өөрчлөлт оруулах тухай хуулийн төслийн ажлын хэсгийн  хуралдааны анхдугаар мэдээллийг бүлгийн гишүүд сонсов. Бүлгийн гишүүдийн зүгээс хэд хэдэн зарчмын санал гарсан учраас  үдээс хойш ажлын хэсэг  дахин хуралдаж нягталж үзэхээр болов. Завсарлага байх хэрэгтэй гэдэгт бүлгийн гишүүд санал нэгдсэн ч  хугацааны хязгаар ямар байх  вэ гэдгийг дахин хэлэлцэхээр болов. Хэдийгээр хуулийн төсөлд завсарлага авах дээд хугацааг тав хоног гэж төсөлд тусгасан ч бүлгийн хуралдаанаар  эцэслэн шийдэгдсэнгүй.