Гүржийн ерөнхийлөгч Михаил Саакашвили парламентын сонгуулийн дүнгийн тухайд “Нам маань сөрөг хүчинд урважээ” хэмээн өөрийн талынхандаа сэтгэл дундуур байгаагаа илэрхийлжээ. “Үндэсний эв нэгдлийн хөдөлгөөн намын тэргүүний хувьд  би намаа сөрөг хүчинд урважээ хэмээн мэдэгдэж байна” гэж тэр сонгуулийн дүнгийн талаарх тусгай мэдээлэл хийхдээ сөрөг хүчний “Гүржийн мөрөөдөл” намын ялалттай холбогдуулан хэлсэн байна. Тэр бас “Миний  хувьд “Гүржийн мөрөөдөл” эвслийн тухайд зарчмын өөр бодолтой байсан. Бидний хооронд асар их ялгаа бий. Бид тэдний үзэл бодолд итгэлтэй биш байна. Гэхдээ ардчилагчид гүржийн ард түмний олонхийг төлөөлж байгаад нь энэ сонголтыг хүндэтгэж байна” гэжээ.