УИХ-ын анхдугаар чуулганыг хамгийн ахмад гишүүнээр даргалуулалгүй хууль бусаар хуралдсан, ийм болохоор шинэ сонгогдсон УИХ-ын дарга бол хууль бус, энэ нь  Монгол Улсын Үндсэн хууль зөрчсөн гэж үзсэн МАН ҮХЦ-д хандсан юм. Энэ асуудлаар ҮХЦ маргаан үүсгэх эсэхийг шийдвэрлэх хуулийн хугацаа өнөөдөр дуусгавар болно. МАН-ын өргөдлийг хянаж, маргаан үүсгэх эсэх асуудлыг ҮХЦ-ийн гишүүн Т.Лхагва хариуцаж байгаа юм байна.
Зургадугаар сард болсон парламентын сонгуулиар байгуулагдсан УИХ-ын анхдугаар чуулганд МАН-аас сонгогдсон гишүүд ирэлгүй  гацааж цаг алдсаны улмаас АН болон МАХН, МҮАН-ын “Шударга ёс” эвсэл танхимд ирсэн гишүүдийн хамгийн ахмад гишүүн Л.Цогоор даргалуулан хуралдаж УИХ-ын даргыг сонгосон юм.