Орон нутгийн сонгууль ирэх сард болно. Үүнд бэлтгэх аж­лын дараалал ч гарсан байгаа. Сонгуулийн төв бай­гууллага хуульд заасан ажлаа цаг хуга­цаанд нь хийж буй гэнэ. Өөрөөр хэлбэл, цаг хугацаанд хийх ёстой бүх ажлаа ном журмын дагуу явуулж эхэлжээ. Аймаг, сум, дүүргийн ИТХ-ын сонгуулийн хуулийн дагуу санал авах өдөр болохоос 50-аас доошгүй хоногийн өмнө сумын сонгуулийн хороог байгуулах ёстой. Өөрөөр хэлбэл, энэ сарын 2-ноос өмнө дээрх асуудлыг шийдэж, харьяалагдах нутаг дэвсгэрийн сонгогчдод мэдээ­лэх юм. Мөн Ул­сын бүртгэлийн асуу­дал эрхэлсэн тө­рийн захиргааны байгууллага ца­хим хуу­дас­таа сонгогчдын нэ­рийн жагсаалтыг са­нал авах өдрөөс 50-аас доошгүй хоногийн өмнө байр­шуулна гэж заасан байгаа. Харин энэ хугацаанд багтаан нам, эвслийн салбар байгууллага сонгуульд оролцох хүсэлтээ аймаг, сум, дүүргийн сонгуулийн хороонд ирүүлсэн байх ба СЕХ сонгуулийн зардлын дээд хэмжээг батлахаар хуульд заасан.

Аравдугаар сарын 2-ноос өмнө Улсын Дээд шүүхийн шийдвэрээр эрх зүйн чадамжгүй нь тогтоогдсон сонгуулийн насны иргэдийн, хорих газарт ял эдэлж байгаа сонгуулийн насныхан, Хилийн цэргийн удирдах байгууллага 60 хоног ба түүнээс дээш хугацаагаар гадаад улсад зорчсон иргэдийн мэдээллийг тус тус гаргаж улсын бүртгэлийн асуудал эрхэлсэн төрийн захиргааны байгууллагад  өгсөн байхаар хуульд заажээ.